Моментот на посакување добредојде на новиот член во вашата фамилија, малиот јунак или малата принцеза, е бесценет. За првпат се остварувате како мајка.

Пред вас се слатки маки. Неспани ноќи, пелени на тони, машина за перење која работи нон стоп, пеглање, садови се собираат, па треба да се зготви … Доење, преслекување, бањање, галење … ехееее листата продолжува. Ова го поминале вашите мајки, како и мајките на вашите партнери. Тие најдобро знаат како треба, затоа што осетиле, искусиле, поминале. Сега на вас е редот. Треба да се погрижите за вашето новороденче, за домот и секако за вашата врска со партнерот.

Mom-grandmather-mother-in-law-new-baby-does-and-donts-3

Помошта е секако добредојдена, од типот на совети, како и укажување и покажување на почетокот, затоа што сепак станува збор за прво бебче во животот на новите мама и тато. Но дали тие укажувања полека ги преминуваат своите граници? Дали главната улога на мајка го завзема бабата?

Дали има потреба бабата да земе „породилно“, во превод се мисли на годишен одмор, за да помогне на новата мама? Дали сметате дека доколку бабата (во овој случај мислиме на свекрвата, бидејќи сепак односот со сопствената мајка е малку поразличен) ја пречекори границата и навлезе во сферата на мајчинството ќе создаде нервоза, нетрпение, стрес кај мајката, која сепак сака самата во полн ек да го доживее мајчинскиот инстинкт кој и се случува? Дали следуваат моменти на нервозна мајка – нервозно бебе? 

Ние би играле вака .. Што велите за овој предлог: Партнерот да го земе својот годишен одмор, и како прав татко да помогне во најбитните моменти, првите денови и недели од растењето на своето чедо! Звучи некако интересно нели. Тој ќе биде покрај мајката кога најмногу и е потребен. Тој ќе помага да се избања бебето. Тој ќе се погрижи за алиштата, ќе испазари се што е потребно и ќе зготви нешто здраво и вкусно. Буквално ќе ја игра својата улога како родител кој се грижи за своите најмили.

Со меѓусебен договор тие ќе ги поделат обврските меѓу себе, како заедно би извојувале победа во новите води на родителство.

Mom-grandmather-mother-in-law-new-baby-does-and-donts-1

Затоа дозволете им на новите родители сами да ја понесат и осетат тежината и убавината од обврската на родителството. Тие нека создаваат спомени, еден покрај друг заедно со третиот член.

Затоа што нема поубаво нешто нели …

Нема коментари

Остави реплика